தொன்றுதொட்டே ஹிந்துக்கள் யோகத்தை ஆரோக்கியமாக இருப்பதற்கான ஒரு பயிற்சியாகக் கண்டனர். ஆரோக்கியம் என்பது உடலுக்கும் மனத்துக்கும் இடையிலான ஒருங்கிணைந்த செயல்பாடாகக் கருதப்பட்டது. இச்சொல் இணைத்தல் அல்லது பிணைத்தல் என்று பொருள்படும் யுஜ் என்ற வேரிலிருந்து வருகிறது. உடலும் மனமும் ஒன்றாகப் பிணைக்கப்படும் இரண்டு. அவை கடிவாளமாகச் செயல்படும் மூச்சினால் கட்டுப்படுத்தப்படுகின்றன. கடிவாளத்தைப் பிடித்திருப்பவர் ஜீவாத்மா. இது மொழிபெயர்க்க இயலாத சொல்; பொதுவாக உயிருள்ள ஆன்மா என்று தளர்வாக மொழிபெயர்க்கப்படுகிறது. ஹிந்துக்கள் யோகத்தை வெறும் உடற்பயிற்சியாக அல்லாமல், அதைவிடப் பெரிய ஒன்றை அடைவதற்கான வழிமுறையாகக் கண்டனர்.

யோகம் ஒரு வழிமுறையாக எப்போது தொடங்கியது என்பது அறியப்படவில்லை; ஆனால் மேற்கத்திய ஆய்வாளர்கள் அதற்குக் காலம் வகுக்க இடைவிடாது முயல்கின்றனர். தொன்றுதொட்டு இருந்து வரும் ஒன்றுக்கு எவ்வாறு காலம் குறிப்பது? ஆயினும், ஸிந்து சமவெளி நாகரிகத்தைச் சேர்ந்த முத்திரைகள், ஏறத்தாழ பொது ஸம்வத்துக்கு முன் 2500 காலத்தவை, தியான யோக நிலையில் அமர்ந்திருக்கும் ஓர் உருவத்தைக் காட்டுகின்றன. புலன்களை அமைதிப்படுத்தும் தொடக்கமாக மூச்சைக் கட்டுப்படுத்துவதன் முக்கியத்துவத்தைப் பல உபநிஷதங்கள் பேசுகின்றன. மஹாபாரதத்தின் ஒரு பகுதியான பகவத்கீதை யோகத்தின் பல வழிகளை விவரிக்கிறது: கர்ம யோகம், பக்தி யோகம், ஞான யோகம். ஒருவரின் உண்மையான இயல்பை ஆன்மிகமாக உணர்வதற்கு யோகம் இன்றியமையாத கூறு என்று இவை வரையறுக்கின்றன. ஆகவே, இந்நூல்களில் யோகம் ஆரோக்கியமான, ஆன்மிகமான வாழ்வுக்காக உடலையும் மனத்தையும் வலுப்படுத்துவதாக முன்வைக்கப்படுகிறது.

Featuring:
மஹரிஷி பதஞ்ஜலி யோக ஸூத்ரங்களில் இப்பயிற்சியை முறைப்படுத்தினார். சிலர் இந்நூலுக்குப் பொது ஸம்வத்துக்கு முன் 200 முதல் பொது ஸம்வத்…
மஹரிஷி பதஞ்ஜலி யோக ஸூத்ரங்களில் இப்பயிற்சியை முறைப்படுத்தினார். சிலர் இந்நூலுக்குப் பொது ஸம்வத்துக்கு முன் 200 முதல் பொது ஸம்வத் 400 வரை காலம் குறிக்கின்றனர்; ஆனால் இவை வெறும் ஊகங்களாகவே இருக்கலாம், இத்தகைய கோட்பாடுகளுக்கு அதிக மதிப்பளிக்காமல் இருப்பதே நல்லது. காலம் எதுவாயினும், பதஞ்ஜலியின் நூல் யோகத்தின் தொகுப்பாகத் திகழ்கிறது. அவரது வரையறை சுருக்கமானது: யோகம் என்பது மனத்தின் அலைச்சல்களை நிறுத்துவது. அவரது வழிமுறை எட்டு அங்கங்களைக் கொண்ட அஷ்டாங்க மார்க்கம்; இது ஆன்மிகத்துக்கு இட்டுச் செல்லும் ஒழுக்கத் திட்டமாகும்.

யமம் என்பது கட்டுப்பாடுகளைக் கடைப்பிடிப்பது. பயிற்சி செய்பவர் அஹிம்ஸை, ஸத்யம், திருடாமை, மிதநிலை, பொருள்பற்றின்மை ஆகியவற்றைக் கடைப்பிடிப்பார். இவை பிறரிடம் நடந்துகொள்ளும் முறையை ஆள்கின்றன. இத்தகைய இயல்பு கொண்டவருக்குப் பகைவர்களும் வருத்தங்களும் குறைவாக இருக்கும். ஆகையால், இப்பயிற்சிகள் அமைதியான மனத்துக்கு வழிவகுக்கும்.

நியமம் என்பது அனுஷ்டானங்களைக் கடைப்பிடிப்பது. பயிற்சி செய்பவர் உடல், மனத் தூய்மை, மனநிறைவு, தபஸ் எனும் தவம் ஆகியவற்றைப் பின்பற்றுகிறார்.…
நியமம் என்பது அனுஷ்டானங்களைக் கடைப்பிடிப்பது. பயிற்சி செய்பவர் உடல், மனத் தூய்மை, மனநிறைவு, தபஸ் எனும் தவம் ஆகியவற்றைப் பின்பற்றுகிறார். தெய்வத்திடம் மனத்தால் சரணடைந்து, தன்னைப் பற்றிய கற்றலில் ஈடுபட்டு, ஒழுக்கமான வாழ்க்கையை நடத்துவார்.

Featuring:
ஆஸனம் என்பதும் மொழிபெயர்க்க இயலாத சொல்; ஆயினும் உடல்நிலையைத் தக்கவைக்கும் பயிற்சி என்று தளர்வாக விவரிக்கலாம். துரதிர்ஷ்டவசமாக, யோகம் என்ற சொல்லைக் கேட்கும்போது பெரும்பாலானோர் அறிவது இதுவே. நிலை உறுதியாகவும் சுகமாகவும் இருக்க வேண்டும் என்பதற்கு மேல் பதஞ்ஜலி இதில் அதிகம் ஆழ்ந்து செல்வதில்லை. இந்த ஆஸனங்களைச் செய்வதற்கான சரியான முறையைக் கற்பிக்கும் தகுதிவாய்ந்த குருவிடமிருந்து மாணவர் கற்றுக்கொள்வார் என்பதே இதன் அடிப்படை எடுகோள். பிற்காலத்திய ஹட யோக நூல், குறிப்பாக ஹட யோக ப்ரதீபிகா, பல ஆஸனங்களையும் செரிமானம், முதுகெலும்பு, மூட்டுகள், நரம்பு மண்டலம் ஆகியவற்றின் மீது அவற்றின் விளைவுகளையும் விவரிக்கிறது. சில ஆய்வாளர்கள் இந்நூலை 15ஆம் நூற்றாண்டைச் சேர்ந்ததாக ஊகத்தின் அடிப்படையில் காலம் குறிக்கின்றனர்.

ப்ராணாயாமம் என்பது ஶ்வாஸத்தை ஒழுங்குபடுத்தும் பயிற்சி. உபநிஷதங்கள் ஶ்வாஸத்தை உடலையும் மனதையும் ஒரு பாலம்போல இணைக்கும் மிக முக்கியமான கூறாக…
ப்ராணாயாமம் என்பது ஶ்வாஸத்தை ஒழுங்குபடுத்தும் பயிற்சி. உபநிஷதங்கள் ஶ்வாஸத்தை உடலையும் மனதையும் ஒரு பாலம்போல இணைக்கும் மிக முக்கியமான கூறாக விவரிக்கின்றன. ஶ்வாஸத்தை மெதுவாக்கி கட்டுப்படுத்துவது நரம்பு மண்டலத்தையும் அதனால் மனதையும் ஶாந்தப்படுத்துகிறது. நிலையான மனம் ஆரோக்கியமான உடலுக்கு வழிவகுக்கிறது.

தாரணா என்பது ஏகாக்ரதையின் பயிற்சி. மனதை ஒரே பொருளிலோ எண்ணத்திலோ நிறுத்தி, அப்யாஸம் அல்லது பயிற்சியின் மூலம் வெளிப்புற எண்ணங்கள்…
ஸமாதி என்பது எல்லா இந்த்ரியங்களையும் மனதில் ஒடுக்கும் பயிற்சி. அது உணர்வோ எண்ணமோ இல்லாத நிலை, அதில் பயிற்சியாளர் மனதின்…
ஸமாதி என்பது எல்லா இந்த்ரியங்களையும் மனதில் ஒடுக்கும் பயிற்சி. அது உணர்வோ எண்ணமோ இல்லாத நிலை, அதில் பயிற்சியாளர் மனதின் சாக்ஷியாக ஆகிறார்.

Featuring:
முதல் ஐந்து அங்கங்கள் (வெளி அங்கங்கள்) முக்கியமாக நடத்தை, உடல் மற்றும் ஶ்வாஸத்தில் செயல்படுகின்றன, ப்ரத்யாஹாரம் அவற்றுக்கிடையே பாலமாக உள்ளது. கடைசி மூன்று (உள் அங்கங்கள்) மனதில் செயல்படுகின்றன. இந்த வரிசை வேண்டுமென்றே அமைக்கப்பட்டது. முதலில் உடல் நிலைபெறுகிறது, பின்னர் ஶ்வாஸம், அதன்பிறகே மனம் அசையாமல் இருக்கக் கேட்கப்படுகிறது. இது உடல், மனம், ஆன்மீகம் என்ற மூன்று நிலை மாதிரியின் நடைமுறை வடிவம். ஆரோக்கியமான உடலும் மனமும் ஆன்மீக ஆரோக்கியத்துக்கு இன்றியமையாத தேவைகள் என்பதே பெரிய செய்தி.

ஆகவே யோகத்தை மூன்று படிகளாகச் சுருக்கிச் சொல்லலாம். முதலில், உடலை நெகிழ்வாகவும், வலுவாகவும், நன்கு இரத்த ஓட்டம் உள்ளதாகவும் வைத்திருப்பது,…
ஆகவே யோகத்தை மூன்று படிகளாகச் சுருக்கிச் சொல்லலாம். முதலில், உடலை நெகிழ்வாகவும், வலுவாகவும், நன்கு இரத்த ஓட்டம் உள்ளதாகவும் வைத்திருப்பது, இதனால் நோயைத் தவிர்க்கலாம். இரண்டாவது, ஶ்வாஸத்தையும் அதனால் உணர்ச்சிகளையும் ஒழுங்குபடுத்துவது. ஆரோக்கியமற்ற உணர்ச்சிகள் உடல் நோய்க்கு முக்கியமான தூண்டுதல்கள். மூன்றாவது, உடலிலோ மனதிலோ ஏற்படும் சிறிய மாற்றங்களையும் கவனிக்கும் விழிப்புணர்வை வளர்ப்பது. இது அந்த மாற்றங்கள் நோயாக மாறுவதற்கு முன்பே பயிற்சியாளர் திருத்தும் நடவடிக்கை எடுக்க உதவும். பிறவி நோய்களைத் தவிர, இன்று நாம் நோய் என்று அழைக்கும் பலவும் உடல் மற்றும் மனதின்மீதான கவனக்குறைவாகத் தொடங்குகின்றன என்பதை பண்டைய ரிஷிகள் புரிந்துகொண்டிருந்தனர். அத்தகைய கவனக்குறைவு, ஒருவரின் சொந்த இயல்புக்கே எதிரான வாழ்க்கை முறையாக இருந்தாலும், அலட்சியமான வாழ்க்கைக்கு வழிவகுக்கிறது.

















